శ్రీశైలంలో భక్తుల రద్దీతో ట్రాఫిక్ జామ్.. ఆర్జిత సేవలు రద్దు

శ్రీశైలంలో మల్లికార్జున స్వామి ఆలయానికి వరుస సెలవుల నేపథ్యంలో భక్తులు భారీ సంఖ్యలో తరలిరావడంతో ట్రాఫిక్ జామ్ ఏర్పడింది.

టోల్‌గేట్ నుంచి ఆలయ ముఖద్వారం వరకు కిలోమీటర్ల మేర వాహనాలు నిలిచిపోయాయి. ప్రయాణికులు తీవ్ర ఇబ్బందులు ఎదుర్కొంటున్నారు.

సర్వ దర్శనానికి సుమారు రెండు గంటల సమయం పడుతోంది. వరుణ యాగం నేపథ్యంలో ఆలయ అధికారులు నేడు, రేపు ఆర్జిత సేవలు, స్పర్శ దర్శనాలు రద్దు చేశారు. ఈ సేవలు మంగళవారం నుంచి తిరిగి ప్రారంభమవుతాయి.

పోలీసులు, సిబ్బంది ట్రాఫిక్ నియంత్రణకు ప్రయత్నిస్తున్నారు. సాయంత్రానికి మరింత రద్దీ పెరిగే అవకాశం ఉంది.