కీసర NEET కేంద్రంలో గూగుల్‌ మ్యాప్స్ తప్పుడు మార్గం; విద్యార్థిని నిమిషం ఆలస్యంతో పరీక్ష రాయలేకపోయింది

కీసర (తెలంగాణ)లోని NEET పరీక్షా కేంద్రం వద్ద గూగుల్ మ్యాప్స్ లోపం కారణంగా ఒక విద్యార్థిని పరీక్ష రాయలేకపోయింది. పరీక్ష రాయడానికి ఆమె తండ్రితో కలిసి బయలుదేరగా, గూగుల్ మ్యాప్స్ తప్పుడు దారి చూపించడంతో ట్రాఫిక్‌లో చిక్కుకుని ఆలస్యమైంది. సెంటరుకు కేవలం ఒక నిమిషం ఆలస్యంగా చేరడంతో అధికారులు ప్రవేశం నిరాకరించారు.

తండ్రి అక్కడి పోలీసు, అధికారుల కాళ్ళు పట్టుకొని బతిమలాడినా వారు నియమాలను కారణంగా చూపుతూ లోపలికి అనుమతించలేదు. రోడ్డుపై మోకరిల్లి కుమార్తెకు అవకాశం ఇవ్వాలని ఆయన వేడుకున్నారు.

గూగుల్ మ్యాప్స్ తప్పుడు లొకేషన్ వల్లే పలువురు విద్యార్థులు సకాలానికి చేరుకోలేకపోయినట్లు అక్కడ ఉన్న ఇతర తల్లిదండ్రులు ఆవేదన వ్యక్తం చేశారు. పరీక్షా నిర్వాహకులు సమయపాలనపై కఠిన నిబంధనలు పాటిస్తుండగా, టెక్నాలజీ లోపం వల్ల విద్యార్థుల భవిష్యత్తు దెబ్బతినడంపై చర్చ జరుగుతోంది. ఈ ఘటనలో ఆ విద్యార్థిని ప్రస్తుత ఏడాది NEET రాయలేకపోయింది.