నిర్మల్ జిల్లాలో ఇసుక కుప్పపై ఆడుతున్న ముగ్గురు చిన్నారులపై సర్పంచ్ భర్త దాడి

నిర్మల్ జిల్లా తానూరు మండలం సింగనగావ్ గ్రామంలో ఇసుక కుప్పపై ఆడుకుంటున్న ముగ్గురు చిన్నారులపై సర్పంచ్ భర్త రాము కత్తితో దాడి చేశారు. ఈ ఘటన స్థానికంగా కలకలం రేపింది.

దాడిని ఆపేందుకు ప్రయత్నించిన గ్రామస్తులను రాము బెదిరించినట్లు తెలిసింది. దాడిలో చిన్నారుల శరీరంపై గాయాలయ్యాయి. పిల్లలు ఆడుకోవడం సహజమని, ఇలాంటి దాడి అమానుషమని తల్లిదండ్రులు ఆవేదన వ్యక్తం చేశారు.

గతంలో కూడా రాము చిన్నారులను ద్విచక్ర వాహనంతో బెదిరించినట్లు గ్రామస్తులు ఆరోపిస్తున్నారు. బాధిత కుటుంబాలు తానూరు పోలీస్ స్టేషన్‌లో ఫిర్యాదు చేశారు.

పోలీసులు ఫిర్యాదు నమోదు చేసుకుని దర్యాప్తు ప్రారంభించారు. నిందితుడిపై కఠిన చర్యలు తీసుకోవాలని బాధితులు డిమాండ్ చేస్తున్నారు.