కూకట్‌పల్లి ఐడియల్ చెరువులో గణేశ నిమజ్జనాలకు HYDRAA ఏర్పాట్లు

హైదరాబాద్ కూకట్‌పల్లి ఐడియల్ చెరువులో గణేశ నిమజ్జనాలకు ఏర్పాట్లు చేస్తున్నట్లు HYDRAA వెల్లడించింది. నిమజ్జనాలకు ఎలాంటి ఆటంకం కలగకుండా చర్యలు తీసుకుంటున్నట్లు తెలిపింది.

ప్రధాన రహదారి వైపు ఉన్న చెరువును లోతుగా తవ్వారు. నీటితో నింపే చర్యలు చేపట్టినట్లు HYDRAA పేర్కొంది. 20 అడుగులకు పైగా పూడికను తొలగించడంతో ఊటనీరు వస్తోందని తెలిపింది.

గణేశ నిమజ్జన సమయానికి ఏర్పాట్లు పూర్తి చేసేందుకు ప్రయత్నిస్తున్నట్లు HYDRAA కమిషనర్ రంగనాథ్ చెప్పారు. ఎమ్మెల్యే మాధవరం కృష్ణారావు స్థానిక ప్రజా ప్రతినిధులతో కలిసి చెరువును సందర్శించారు. వారు నిమజ్జన ఏర్పాట్లపై సమీక్షించారు.

దశాబ్దాలుగా ఐడియల్ చెరువులోకి POP వ్యర్థాలు చేరుతున్నాయని HYDRAA వివరించింది. దీనివల్ల భూగర్భ జలాలు పెరగడానికి ఆటంకం ఏర్పడిందని తెలిపింది. ఇప్పటికే లక్ష టన్నుల పూడికను తొలగించారు. పూడికతీత పనులు రాత్రి పగలు కొనసాగుతున్నట్లు HYDRAA వెల్లడించింది.