AI కల్పిత తీర్పులు న్యాయ వ్యవస్థకు విషపూరితం: సుప్రీం కోర్ట్ హెచ్చరిక

సుప్రీం కోర్ట్ ఏఐ సాయంతో సృష్టించిన కల్పిత తీర్పులను కోర్టు విచారణల్లో ప్రస్తావించడం న్యాయ వ్యవస్థకు విషపూరితమైనదని హెచ్చరించింది.

జస్టిస్ పిఎస్ నరసింహ, జస్టిస్ అలోక్ కరాదే ధర్మాసనం ఈ వ్యాఖ్యలు చేసింది. ఎస్ఎల్ ఇన్ఫ్రా ప్రాజెక్ట్స్ దివాలా కేసుకు సంబంధించి నేషనల్ కంపెనీ లా ట్రైబ్యునల్ (NCLT), నేషనల్ కంపెనీ లా అపిలేట్ ట్రైబ్యునల్ (NCLAT) తీర్పులను కొట్టివేస్తూ ఈ మేరకు స్పష్టం చేసింది.

న్యాయవాదులు ఈ కేసులో ఉనికిలో లేని, ఏఐతో రూపొందించిన కల్పిత తీర్పులను పూర్వ నిర్ణయాలుగా పేర్కొనడాన్ని కోర్ట్ తీవ్రంగా పరిగణించింది. ఇలాంటి చర్యను న్యాయవాది దుష్ప్రవర్తనగా పరిగణించాలని, ఇది న్యాయ నిర్ణయాల జీవస్వభావాన్నే దెబ్బతీస్తుందని ధర్మాసనం అభిప్రాయపడింది.

ఏఐ తీర్పులతో కల్పిత కేసు చట్టాలు సృష్టించడం న్యాయ వ్యవస్థ సమగ్రతకు హానికరమని పేర్కొంది. భవిష్యత్తులో ఇటువంటి సంఘటనలు పునరావృతం కాకుండా నియంత్రించేందుకు ఒక కమిటీ ఏర్పాటు చేయాలని ఆదేశించింది.

ఈ కమిటీ కల్పిత తీర్పులను కోర్టులో ప్రస్తావించే న్యాయవాదులను కట్టడి చేసే చర్యలు సూచించాలని సుప్రీం కోర్ట్ తెలిపింది.