సికింద్రాబాద్ బోనాల్లో హైకోర్టు జడ్జి సూరెపల్లి నంద - భక్తిశ్రద్ధలతో మహంకాళి దర్శనం

ఉజ్జయిని మహంకాళి అమ్మవారి బోనాల ఉత్సవంలో హైకోర్టు జడ్జి సూరెపల్లి నంద భక్తిశ్రద్ధలతో పాల్గొన్నారు. తెల్లవారుజామున 4 గంటలకు మొదటి దర్శనంలో పాల్గొన్న ఆమె, అనంతరం కుటుంబ సమేతంగా మరోసారి అమ్మవారిని దర్శించుకున్నారు.

నంద ఓల్డ్ సిటీ, సికింద్రాబాద్‌లో స్కూలింగ్, కాలేజీ పూర్తి చేశారు. న్యాయవాదిగా ఉన్నప్పటి నుంచి ప్రతి సంవత్సరం బోనాల ఉత్సవాల్లో తప్పనిసరిగా పాల్గొంటున్నానని ఆమె తెలిపారు. న్యాయమూర్తిగా ఇప్పుడు సులభంగా దర్శనం లభించిందని, ఎండోమెంట్స్ శాఖ సహకారం బాగుందని చెప్పారు.

యువతకు సందేశం ఇస్తూ.. "ప్రార్థనలతో రోజు ప్రారంభించండి. సంస్కృతి, సంప్రదాయాలను మరిచిపోవద్దు. కష్టపడే వాళ్లకు న్యాయ రంగంలో విజయం తథ్యం" అని నంద పేర్కొన్నారు.