సూర్యకు ఈ ఏడాది మూడు సినిమాలు: నవంబర్ 6న 'సీన్' విడుదల

తమిళ నటుడు సూర్య ఈ ఏడాది వరుసగా మూడు సినిమాలతో ప్రేక్షకుల ముందుకు వచ్చారు. ఈ మూడింటిలో రెండు చిత్రాలు హిట్ కావడంతో మూడో చిత్రం 'సీన్'పై ఆశలు పెరిగాయి.

'కరుపు' చిత్రం సూర్య కెరీర్‌లోనే తొలిసారి ₹300 కోట్ల గ్రాస్ మార్క్ దాటింది. ఈ సినిమాలో ఆయన మాస్ పాత్రలో నటించారు. తెలుగులో 'వీరభద్రుడు' పేరుతో విడుదలైన ఈ చిత్రం ఇక్కడా హిట్ అయింది. ఆ తర్వాత వచ్చిన 'విశ్వనాథన్ అండ్ సన్స్' కూడా విజయం సాధించింది. ఇది ఏజ్ గ్యాప్ లవ్ స్టోరీ. ఈ చిత్రం వరల్డ్ వైడ్ హక్కులు ₹90 కోట్లకు అమ్ముడుపోగా, ₹100 కోట్లకు పైగా షేర్, ₹200 కోట్లకు పైగా గ్రాస్ వచ్చినట్టు సమాచారం.

ఇప్పుడు సూర్య హ్యాట్రిక్ కోసం ఎదురుచూస్తున్నారు. నవంబర్ 6న 'సీన్' విడుదల కానుంది. దీపావళి సీజన్‌లో ఈ సినిమాను తీసుకొస్తున్నారు. మలయాళ దర్శకుడు జీతు మాధవన్ ఈ చిత్రానికి దర్శకత్వం వహిస్తున్నారు. సూర్య, జ్యోతికల సొంత బ్యానర్ 2D ఎంటర్‌టైన్‌మెంట్ ఈ సినిమాను నిర్మిస్తోంది. సూర్య సరసన నజ్రియా నజీమ్ నటిస్తున్నారు. ఇందులో సూర్య ఒక కేసు విషయంలో తన ఉద్యోగానికి రాజీనామా చేసి, ఆ కేసును ఎలా ఛేదించారనే కథ ఉంది.

'సీన్' షూటింగ్ పూర్తి కాకముందే సూర్య తన 48వ సినిమాను ప్రారంభించారు. 'జై భీమ్' ఫేమ్ టీజే జ్ఞానవేల్ దర్శకత్వం వహిస్తున్న ఈ చిత్రంలో సూర్య డాక్టర్ పాత్రలో కనిపిస్తారు. హోంబలే ఫిలిమ్స్ ఈ సినిమాను భారీ బడ్జెట్‌లో నిర్మిస్తోంది. 2027లోనూ మూడు సినిమాలతో రావడానికి అవకాశం ఉంది.