1905లో ఈ రోజు : స్వదేశీ ఉద్యమం ప్రారంభం, బ్రిటిష్ వస్తువుల బహిష్కరణకు పిలుపు

1905 ఆగస్టు 7న నాటి కలకత్తా (ప్రస్తుత కోల్‌కతా)లో భారత స్వాతంత్ర్య సమరయోధులు స్వదేశీ ఉద్యమాన్ని అధికారికంగా ప్రారంభించారు. బ్రిటిష్ పాలనకు వ్యతిరేకంగా సాగిన ఈ ఉద్యమం, విదేశీ వస్తువులను బహిష్కరించి స్వదేశీ ఉత్పత్తులనే కొనుగోలు చేయాలని ప్రజలకు పిలుపునిచ్చింది. బెంగాల్ విభజన నేపథ్యంలో ఉద్రిక్త పరిస్థితులు నెలకొన్న సమయంలో ఈ ఉద్యమం బ్రిటిష్ ఆర్థిక వ్యవస్థను దెబ్బతీసే వ్యూహాత్మక చర్యగా రూపుదిద్దుకుంది. దేశవ్యాప్తంగా విదేశీ వస్త్రాలు, ఉప్పు, ఇతర వస్తువులను బహిరంగంగా తగులబెట్టే కార్యక్రమాలు చోటు చేసుకున్నాయి. మహాత్మాగాంధీ ఈ ఉద్యమాన్ని 'స్వరాజ్య ఉద్యమానికి ఆత్మ'గా అభివర్ణించారు. స్వదేశీ స్పూర్తితో దేశీయంగా చేనేత, కుటీర పరిశ్రమలు బలపడ్డాయి. ఆ తర్వాత జాతీయోద్యమంలో స్వదేశీ అనేది కీలకమైన అస్త్రంగా మారి, బ్రిటిష్ వ్యాపారానికి పెద్ద ఎదురుదెబ్బగా నిలిచింది. 1905 నాటి ఈ సంఘటన భారత స్వాతంత్ర్యోద్యమంలో మొదటి సామూహిక ప్రజా ఉద్యమాలలో ఒకటిగా చరిత్ర సృష్టించింది.