28 ఏళ్ల తర్వాత నాగార్జున సరసన టబు.. 'కింగ్ 100'లో కీలక పాత్ర

నటి టబు 28 ఏళ్ల తర్వాత నాగార్జున సరసన మళ్లీ నటించనున్నారు. నాగార్జున నటిస్తున్న 'కింగ్ 100' సినిమాలో ఆమె కీలక పాత్ర పోషిస్తున్నారు.

నాగార్జున కెరీర్‌లో మైల్‌స్టోన్ సినిమాగా 'కింగ్ 100' తెరకెక్కుతోంది. టబు పుట్టినరోజు సందర్భంగా మేకర్స్ ఈ సినిమా నుంచి స్పెషల్ గ్లింప్స్‌ను విడుదల చేశారు. ఈ గ్లింప్స్‌లో ఆమె లుక్‌పై సినీ అభిమానుల్లో ఆసక్తి నెలకొంది.

గతంలో 'నిన్నే పెళ్లాడతా', 'ఆవిడా మావిడా' సినిమాల్లో ఈ జోడీ నటించింది. ఆ సినిమాలతో నాగార్జున-టబు కాంబినేషన్‌కు ప్రత్యేక అభిమాన వర్గం ఏర్పడింది. 1990ల్లో తెలుగు తెరపై టబుకు మంచి క్రేజ్ ఉండేది. ఆ తర్వాత ఆమె ఎక్కువగా బాలీవుడ్ సినిమాల్లో నటించారు.

ఇప్పుడు ఆమె వరుసగా దక్షిణాది ప్రాజెక్టుల్లో నటిస్తున్నారు. దర్శకుడు పూరి జగన్నాథ్ తెరకెక్కిస్తున్న 'స్లమ్ డాగ్' సినిమాలోనూ టబు పవర్‌ఫుల్ పాత్రలో కనిపించనున్నారు. పూరి మార్క్ మాస్, ఇంటెన్స్ క్యారెక్టరైజేషన్‌లో ఆమె పాత్రను కొత్తగా చూపిస్తారని సమాచారం.

'కింగ్ 100', 'స్లమ్ డాగ్' రెండూ ప్రస్తుతం నిర్మాణ దశలో ఉన్నాయి. ఈ రెండు సినిమాల విడుదల తేదీలను ఇంకా అధికారికంగా ప్రకటించలేదు.