తమిళనాడులో ప్రతి సినిమాకు 5 షోలు: సర్కార్ అనుమతి అక్కర్లేదు

తమిళనాడు ముఖ్యమంత్రి విజయ్ సినీ పరిశ్రమకు కీలక నిర్ణయం వినిపించారు. రాష్ట్రంలో విడుదలయ్యే తమిళ సినిమాలకు మొదటి వారం రోజుల పాటు రోజుకు 5 షోలు వేసుకోవచ్చని మంత్రివర్గం నిర్ణయించింది.

ఇప్పటి వరకు 5వ షో వేయాలంటే నిర్మాతలు ప్రభుత్వ అనుమతి తీసుకోవాల్సి వచ్చేది. ఇకపై నిర్మాత, డిస్ట్రిబ్యూటర్, థియేటర్ యజమాని తమ నిర్ణయం మేరకు అదనపు షోలు ప్రదర్శించుకోవచ్చు.

విజయ్ CM గా ప్రమాణ స్వీకారం చేసిన తర్వాత కాలీవుడ్ ప్రముఖులు ఆయనను కలిశారు. పరిశ్రమ ఎదుర్కుంటున్న సమస్యలను వివరించారు. నటుడు, MP కమల్ హాసన్ కూడా విజయ్‌ను కలిసి 5వ షోకు అనుమతి ఇవ్వాలని కోరారు.

ఈ నిర్ణయం వల్ల నిర్మాతలు, డిస్ట్రిబ్యూటర్లు, థియేటర్ యజమానులు ముందస్తు అనుమతుల ప్రక్రియ నుండి విముక్తి పొందుతారు.