టాషిష్క్ 'మల్లె' కలెక్షన్ విడుదల; నటి రుక్మిణి వసంత్ ఆవిష్కరణ

టాటా సంస్థకు చెందిన తనిష్క్ జ్యుయెలర్స్ 'మల్లె' పేరుతో కొత్త అన్‌కట్ డైమండ్ జ్యుయెలరీ కలెక్షన్‌ను విడుదల చేసింది. నటి రుక్మిణి వసంత్ హైదరాబాద్‌లో ఈ కలెక్షన్‌ను ఆవిష్కరించారు.

తనిష్క్ ప్రతినిధి మాట్లాడుతూ, ఈ ప్రత్యేక కలెక్షన్ ఏపీ, తెలంగాణ రాష్ట్రాల్లోని 40కి పైగా స్టోర్లలో మాత్రమే లభ్యమవుతుందని తెలిపారు. మల్లెపూల డిజైన్ల నుంచి ప్రేరణ పొందిన ఈ సేకరణలో మొగ్గ, పూలు, హారం వంటి వివిధ రూపాలు ఉన్నాయి.

60కు పైగా డిజైన్లతో ఈ కలెక్షన్ లో చెవిపోగులు, ఉంగరాలు, గాజులు, నెక్లెస్, మంగళసూత్రాలు అందిస్తున్నారు. ఈ ఆభరణాలు 18 క్యారెట్ల బంగారంలో అన్‌కట్ వజ్రాలు, కెంపు, మరకతం, ముత్యాల కాంబినేషన్‌తో తయారు చేశామని ప్రతినిధి వివరించారు.

ధరలు రూ. 40,000 నుండి ప్రారంభమై రూ. 8 లక్షలకు పైగా ఉన్నాయి. రోజువారీ వినియోగంతో పాటు పెళ్లి వేడుకలకు కూడా అనువుగా ఈ కలెక్షన్ రూపొందించారు. ఆగస్ట్ 19 నుండి 22 వరకు వరమహాలక్ష్మి పండుగ సందర్భంగా ప్రత్యేక ఆఫర్లు ఇస్తున్నారు. బంగారు ఆభరణాలపై రూ. 600 వరకు తగ్గింపు, డైమండ్ జ్యుయెలరీపై మేకింగ్ చార్జీలపై 20% డిస్కౌంట్, పాత బంగారం మార్పిడి సదుపాయం కల్పిస్తున్నారు.

ఈ సందర్భంగా నటి రుక్మిణి వసంత్ మాట్లాడుతూ, "సంప్రదాయ కాన్సెప్ట్‌ను ఆధునికంగా రూపొందించిన తీరు నచ్చింది. ముఖ్యంగా చోకర్ డిజైన్ బాగా నచ్చింది" అని వ్యాఖ్యానించారు.