తుమ్మిడిహట్టి ముంపు భూములపై మహారాష్ట్రతో చర్చలు కొనసాగించాలని సీఎం రేవంత్ ఆదేశం

తుమ్మిడిహట్టి బ్యారేజ్ నిర్మాణంపై మహారాష్ట్ర ప్రభుత్వంతో నిరంతరం సంప్రదింపులు జరపాలని సీఎం రేవంత్ రెడ్డి అధికారులను ఆదేశించారు. ఈ మేరకు నీటిపారుదల శాఖ ఉన్నతాధికారులకు ఆయన సూచనలు ఇచ్చారు.

మహారాష్ట్రతో ఇటీవల జరిగిన చర్చల్లో ముంపు భూముల పరిహారం అంశంపై చర్చించారు. మహారాష్ట్రలో ముంపునకు గురయ్యే భూములకు పరిహారం చెల్లించేందుకు తెలంగాణ ప్రభుత్వం సిద్ధంగా ఉందని సీఎం స్పష్టం చేశారు.

అవసరమైన నిధులను జాయింట్ అకౌంట్‌లో ఉంచుతామని ఆయన తెలిపారు. ముంపు భూములపై మహారాష్ట్ర ప్రభుత్వం ఎలాంటి సర్వే నిర్వహించినా అభ్యంతరం లేదని చెప్పారు.

గత ఒప్పందాలు, ముంపు వివరాలకు సంబంధించిన పత్రాలను మహారాష్ట్ర అధికారులకు అందించాలని సీఎం ఆదేశించారు. ప్రాజెక్టుకు సంబంధించిన అంశాలపై నిరంతరం సమన్వయం కొనసాగించాలని సూచించారు.