హైదరాబాద్‌లో స్వీట్ షాపులపై ఆకస్మిక తనిఖీలు, లైసెన్సులు సస్పెండ్

హైదరాబాద్‌లో దీపావళి నేపథ్యంలో స్వీట్ల తయారీ, విక్రయ కేంద్రాలపై తెలంగాణ ఫుడ్ సేఫ్టీ డిపార్ట్‌మెంట్ ఆకస్మిక తనిఖీలు చేపట్టింది. పోలీసులతో కలిసి ఉమ్మడి ఆపరేషన్‌గా ఈ తనిఖీలు జరిగాయి.

పలు స్వీట్ తయారీ కేంద్రాల్లో పరిస్థితులు అత్యంత దారుణంగా ఉన్నట్టు అధికారులు గుర్తించారు. ఆహార పదార్థాల్లో పురుగులు, కీటకాలు ఉన్నట్టు వారు తెలిపారు. ప్రాసెసింగ్, వాషింగ్ ప్రాంతాలు శుభ్రంగా లేవని కూడా అధికారులు పేర్కొన్నారు.

ఈ లోపాలపై కొన్ని దుకాణాల ఫుడ్ లైసెన్సులను అధికారులు సస్పెండ్ చేశారు. హైదరాబాద్‌లోని కరాచీ బేకరీకి నోటీసు జారీ చేసినట్టు అధికారులు తెలిపారు.

నిబంధనలు ఉల్లంఘించిన కేంద్రాలపై చర్యలు కొనసాగుతాయని ఫుడ్ సేఫ్టీ అధికారులు తెలిపారు.