గవర్నర్ శివప్రతాప్ శుక్లా ముచ్చింతల్ లోని సమతామూర్తి రామానుజాచార్య కేంద్రాన్ని సందర్శించారు

తెలంగాణ గవర్నర్ శివప్రతాప్ శుక్లా, ఆయన సతీమణి శనివారం శంషాబాద్ సమీపంలోని ముచ్చింతల్ లో ఉన్న సమతామూర్తి శ్రీ రామానుజాచార్య కేంద్రాన్ని సందర్శించారు. గవర్నర్ దంపతులకు శ్రీ త్రిదండి అహోబిల రామానుజ జియర్ స్వామి, శిష్యబృందం స్వాగతం పలికారు.

వారు 216 అడుగుల రామానుజాచార్యుల సువర్ణ విగ్రహాన్ని దర్శించుకొని ప్రత్యేక పూజలు నిర్వహించారు. అనంతరం గవర్నర్ దంపతులు శ్రీ త్రిదండి చినజీయ స్వామిని కలిశారు. చినజీయర్ స్వామి 108 దివ్యదేశాల ప్రాముఖ్యత, సమతా భావం కేంద్రం ఏర్పాటు చేసిన ఉద్దేశ్యం గురించి వివరించారు.

గవర్నర్ మాట్లాడుతూ, కుల, మత, వర్గ భేదాలు లేకుండా అందరూ సమానమని వెయ్యేళ్ల క్రితమే రామానుజాచార్యులు బోధించారని గుర్తు చేశారు. ఈ కేంద్రం భావి తరాలకు ఆయన స్ఫూర్తిని అందించడం అభినందనీయమని ప్రశంసించారు.