ఎలినో కారణంగా తెలంగాణలో జూలైలో తక్కువ వర్షాలు; హైదరాబాద్‌లో గాలి దుమారం

జూలై నెలలో తెలంగాణలో సాధారణం కన్నా తక్కువ వర్షాలు కురుస్తున్నాయి. ఎలినో ప్రభావం వల్ల ఈ పరిస్థితి ఏర్పడిందని వాతావరణ శాఖ అధికారులు తెలిపారు.

అల్పపీడనం వల్ల భారీ వర్షాలు సూచించినా, చాలా చోట్ల చిరుజల్లులే పడుతున్నాయి. దీంతో ప్రధాన జలాశయాలు ఎండిపోయి, నీటి నిల్వలు తగ్గాయి. చెరువులు, కుంటలపై ఆధారపడిన రైతులు ఆందోళన చెందుతున్నారు.

ఇవాళ హైదరాబాద్ నగరంలో గంటకు 60 కిలోమీటర్ల వేగంతో బలమైన గాలులు వీచాయి. దీంతో చెట్లు విరిగి పడ్డాయి. అసెంబ్లీ ఆవరణలో కూడా చెట్టు కొమ్మ విరిగింది. నగరంలో అక్కడక్కడ చిరుజల్లులు పడ్డాయి.

బంగాళాఖాతంలో ఏర్పడిన వాయుగుండం, చురుకైన ఋతుపవనాల ప్రభావంతో రాబోయే రోజుల్లో విస్తారంగా వర్షాలు కురిసే అవకాశం ఉందని వాతావరణ శాఖ తెలిపింది. ముఖ్యంగా ఆదిలాబాద్, నిజామాబాద్, జగిత్యాల, సంగారెడ్డి, కామారెడ్డి, మెదక్ జిల్లాల్లో భారీ వర్షాలు పడే అవకాశం ఉంది. కొన్ని ప్రాంతాల్లో ఉరుములు, మెరుపులతో కూడిన వర్షం కురుస్తుందని అధికారులు తెలిపారు.