తెలంగాణలో 12 మంది సీనియర్ IAS అధికారుల బదిలీ, కొత్త పోస్టింగ్‌లు

తెలంగాణ రాష్ట్రంలో 12 మంది సీనియర్ IAS అధికారులను ప్రభుత్వం బదిలీ చేసింది. ఈ మేరకు ప్రభుత్వ ప్రధాన కార్యదర్శి (CS) సంజయ్ జాజు ఉత్తర్వులు జారీ చేశారు. బదిలీ అయిన వారిలో ఎక్కువ మంది సీనియర్ ఐఏఎస్ అధికారులే ఉన్నారు.

దాన కిషోర్‌ను గవర్నర్ స్పెషల్ చీఫ్ సెక్రెటరీగా నియమించారు. జయేష్ రంజన్‌కు పర్యావరణ, అటవీ శాఖ ప్రత్యేక ప్రధాన కార్యదర్శి బాధ్యతలు అప్పగించారు. ఇంధన శాఖ ప్రత్యేక ప్రధాన కార్యదర్శిగా వికాస్ రాజ్‌ను నియమించగా, రవాణా, ఆర్‌అండ్‌బీ శాఖ ప్రత్యేక ప్రధాన కార్యదర్శిగా నవీన్ మిట్టల్‌కు పోస్టింగ్ ఇచ్చారు. రెవెన్యూ, ఎండోమెంట్స్ శాఖ ముఖ్య కార్యదర్శిగా శైలజ రామయ్యర్‌కు బాధ్యతలు అప్పగించారు.

హెచ్‌ఎండీఏ మెట్రోపాలిటన్ కమిషనర్‌గా సర్ఫరాజ్ అహ్మద్‌కు అదనపు బాధ్యతలు ఇచ్చారు. స్పోర్ట్స్ అండ్ హెరిటేజ్ తెలంగాణ డైరెక్టర్‌గా వాణి ప్రసాద్‌కు అదనపు బాధ్యతలు అప్పగించారు. ట్రైబల్ వెల్ఫేర్ శాఖ ప్రిన్సిపల్ సెక్రెటరీగా రాహుల్ బోజాకు పోస్టింగ్ ఇచ్చారు. రవాణా శాఖ కార్యదర్శిగా ఇలంబర్తికి నియామకం లభించింది.

మహిళా, శిశు సంక్షేమ శాఖ ప్రత్యేక కార్యదర్శిగా శృతి ఓజాకు పోస్టింగ్ ఇచ్చారు. హెల్త్ అండ్ ఫ్యామిలీ వెల్ఫేర్ శాఖ డైరెక్టర్‌గా ముషర్రఫ్ అలీ ఫారూఖీకి బాధ్యతలు అప్పగించారు. డబ్ల్యూసీడీ అండ్ ఎస్ఎస్ శాఖ డైరెక్టర్‌గా సంగీత సత్యనారాయణకు పోస్టింగ్ ఇచ్చారు. టీజీఎస్‌పీడీసీఎల్ వైస్ చైర్మన్, మేనేజింగ్ డైరెక్టర్‌గా జితేష్ వి పాటీల్‌కు అదనపు బాధ్యతలు అప్పగించారు.

దాన కిషోర్ ఈ నెల 31తో పదవీ విరమణ చేయనున్నారు. ఆయనకు గవర్నర్ స్పెషల్ సెక్రెటరీగా మళ్లీ పోస్టింగ్ ఇచ్చారు. దీంతో ఈ రోజు బదిలీలు, పోస్టింగ్‌లు పొందిన ఐఏఎస్ అధికారుల సంఖ్య 13కి చేరింది. ప్రభుత్వ పాలనా అవసరాలకు అనుగుణంగా, ఏ అధికారి ఎక్కడ ఉంటే పాలన సులభమవుతుందనే దృష్టితో ఈ బదిలీలు చేసినట్లు ప్రభుత్వం తెలిపింది. రాబోయే రోజుల్లో మరికొన్ని బదిలీలు ఉండే అవకాశం ఉంది.