హాంగ్కాంగ్ లో పాస్పోర్ట్లు పోవడంతో తెలుగు కుటుంబం విమానాశ్రయంలో మూడు రోజులు చిక్కుకుంది, నారా లోకేశ్, జైశంకర్ స్పందించారు

హైదరాబాద్ నుంచి చికాగో వెళ్తున్న ఒక తెలుగు కుటుంబం హాంగ్కాంగ్ లో పాస్పోర్ట్లు పోవడంతో మూడు రోజుల పాటు విమానాశ్రయంలోనే చిక్కుకుపోయింది.

కాథే పసిఫిక్ ఎయిర్‌లైన్స్ విమానంలో ఈ కుటుంబం హాంగ్కాంగ్ చేరుకోగా, నలుగురి పాస్పోర్ట్లు ఉన్న బ్యాగ్ కనిపించలేదు. దీంతో ఇమిగ్రేషన్ అధికారులు వారిని తదుపరి విమానం ఎక్కనివ్వడానికి, విమానాశ్రయం నుంచి బయటకు వెళ్లడానికి అనుమతించలేదు.

తల్లిదండ్రులు, పిల్లలతో కూడిన ఆ కుటుంబం విమానాశ్రయంలోనే మూడు రోజులు గడపాల్సి వచ్చింది. ఈ పరిస్థితిలో తల్లి ట్విట్టర్లో సహాయం కోరింది. ఆమె తన ట్వీట్ ద్వారా ఏపీ మంత్రి నారా లోకేశ్‌ను ట్యాగ్ చేసింది. లోకేశ్ వెంటనే స్పందించి విదేశాంగ మంత్రి ఎస్. జైశంకర్‌ను ట్యాగ్ చేసి సాయం చేయాలని కోరాడు.

దీంతో హాంగ్కాంగ్ లోని భారత కాన్సులేట్ కార్యాలయం జోక్యం చేసుకుని, ఇమిగ్రేషన్ అధికారులతో మాట్లాడి కుటుంబాన్ని విమానాశ్రయం నుంచి బయటకు తీసుకొచ్చింది. అత్యవసర పాస్పోర్ట్లు జారీ చేసి వారి ప్రయాణం కొనసాగేలా ఏర్పాటు చేసింది.

తాను ట్వీట్ చేసిన వెంటనే లోకేశ్, జైశంకర్ స్పందించడంతో తమకు త్వరగా సాయం లభించిందని ఆ తల్లి కృతజ్ఞత తెలిపింది.