జీఓ 151పై వైసీపీ నేత భూమా కరుణాకర్ రెడ్డి అభ్యంతరం

తిరుపతి మున్సిపల్ బాండ్ల జారీ విషయంలో రాష్ట్ర ప్రభుత్వం జీఓ 151 జారీ చేసింది. ఈ జీఓపై వైసీపీ ఉమ్మడి చిత్తూరు జిల్లా అధ్యక్షుడు భూమా కరుణాకర్ రెడ్డి అభ్యంతరం వ్యక్తం చేశారు.

అభివృద్ధి పేరుతో బాండ్ల ద్వారా ప్రజల నుంచి పెట్టుబడులు సేకరించే ప్రయత్నం జరుగుతోందని ఆయన విమర్శించారు. మున్సిపాలిటీలు ఇప్పటికే లోటు బడ్జెట్లతో నడుస్తున్నందున, బాండ్ల ద్వారా సేకరించిన నిధులు తిరిగి ఎలా చెల్లిస్తారని ప్రశ్నించారు. చిన్న వ్యాపారులు, బిల్డర్లు, భవన యజమానులపై ఒత్తిడి తేవొచ్చని కూడా ఆరోపించారు.

ఈ బాండ్ల జారీ నిర్ణయాన్ని తాము తీవ్రంగా వ్యతిరేకిస్తున్నామని భూమా కరుణాకర్ రెడ్డి స్పష్టం చేశారు. ఈ విషయంపై ప్రభుత్వం స్పందన ఇంకా లభించలేదు.