తొలి తెలుగు పేజెంట్‌ UK పోటీ విజేతల విజయ సమావేశం హైదరాబాద్‌లో

Telugu Pageant UK పోటీల్లో విజేతలుగా నిలిచిన వారికి హైదరాబాద్‌లో విజయ సమావేశం నిర్వహించారు. జూబ్లీహిల్స్‌లో ఈ కార్యక్రమం జరిగింది. మిస్ కేటగిరీలో సంజన విజేతగా నిలవగా, మిస్సెస్ విభాగంలో సౌజన్య గెలుపొందారు.

పిల్లల విభాగంలో ఇతన్, టీన్స్ కేటగిరీలో క్రిస్ మరియు శ్లోక విజయం సాధించారు. విజేతలు మాట్లాడుతూ, అందంతో పాటు ఆత్మవిశ్వాసం, ప్రతిభ, వ్యక్తిత్వం, నాయకత్వ లక్షణాలను వెలికితీసేందుకు ఇలాంటి పోటీలు ఉపయోగపడతాయని అన్నారు.

ఈ పోటీని UK లో తొలిసారిగా నిర్వహించారు. 50 మంది పోటీదారులు పాల్గొనగా, వివిధ కేటగిరీల్లో 25 మంది విజేతలుగా నిలిచినట్టు నిర్వాహకులు తెలిపారు. ఈ సందర్భంగా 1500 మందికి పైగా ప్రేక్షకులు పాల్గొన్నారు.

తెలుగు సమాజం UK లో ఇంత పెద్ద కార్యక్రమం చేయడం చారిత్రాత్మకమని నిర్వాహకులు అభిప్రాయపడ్డారు. స్పాన్సర్లు, మీడియా సహకారం పట్ల కృతజ్ఞతలు తెలిపారు. తెలుగు వారు కమ్యూనిటీ స్పిరిట్‌తో ఇలాంటి ఈవెంట్లు ఏర్పాటు చేస్తూ ముందుకు వెళ్లాలని పిలుపునిచ్చారు.

ఈ కార్యక్రమంలో ఒక సినీ నటి పాల్గొని మాట్లాడుతూ తన రెండు కొత్త సినిమాలు త్వరలో విడుదల కానున్నాయని వెల్లడించారు. ఇలాంటి ఈవెంట్లకు తాను ఎప్పుడూ మద్దతు ఇస్తానని చెప్పారు.