ఢిల్లీలో భారీ వర్షం: ఓపెన్ డ్రైనేజీలో పడిపోయిన ముగ్గురు విద్యార్థులు, స్థానికుల చర్యతో ప్రాణాలకు హాని లేదు

ఢిల్లీలోని జగత్పూర్ ప్రాంతంలో రోడ్డుపై డ్రైనేజీ మూత తెరిచి ఉండడంతో ముగ్గురు విద్యార్థులు అందులో పడిపోయారు. స్కూల్ నుంచి ఇంటికి వెళ్తుండగా ఈ ప్రమాదం చోటు చేసుకుంది.

ఢిల్లీలో కొన్ని రోజులుగా భారీ వర్షాలు కురుస్తుండడంతో రోడ్లపై నీళ్లు నిలిచాయి. దీనికి తోడు అక్కడక్కడ డ్రైనేజీ మూతలు తెరిచి ఉన్నాయి. జగత్పూర్‌లో రోడ్డుపై భారీగా నిలిచిన నీళ్లలో నడుస్తున్న విద్యార్థులు ఈ నీటిలో దాగి ఉన్న ఓపెన్ డ్రైనేజీలో వరసగా పడిపోయారు.

మిగతా పిల్లలు అరవడంతో సమీపంలో ఉన్న డ్రైవర్లు, స్థానికులు వెంటనే డ్రైనేజీలోకి దూకి ముగ్గురినీ సురక్షితంగా బయటకు తీశారు. ఈ సంఘటనలో ఎవరికీ గాయాలు కాలేదు.