ఏలూరు జిల్లాలో పెద్దపులి సంచారం: రైతు ఎద్దు మృతి, ఆలయ దర్శనాలు నిలిపివేత

ఏలూరు జిల్లా బుట్టాయగూడెం మండలంలో ఒక పెద్దపులి సంచరిస్తోంది. గత వారం రోజులుగా ఈ పులి వివిధ ప్రాంతాల్లో పశువులపై దాడులు చేసింది. ఇప్పటివరకు ఐదు ఆవులు, ఒక లేగదూడను చంపినట్లు అధికారులు తెలిపారు.

నిన్న రాత్రి గంగరాజు అనే రైతుకు చెందిన ఎద్దుపై పులి దాడి చేసింది. ఈ దాడిలో ఎద్దు మృతి చెందింది. పులి ఆందోళనతో గుబ్బల మంగమ్మ తల్లి ఆలయంలో దర్శనాలు తాత్కాలికంగా నిలిపివేశారు. భక్తులకు, స్థానికులకు హెచ్చరికలు జారీ చేశారు.

అటవీశాఖ అధికారులు పులికి అమర్చిన రేడియో కాలర్ సంకేతాల ద్వారా దాని కదలికలను ట్రాక్ చేస్తున్నారు. డ్రోన్ కెమెరాలతో పర్యవేక్షిస్తున్నారు. ఈ పులి గత మూడు నెలల క్రితం మహారాష్ట్ర నుంచి ఏపీ, తెలంగాణ సరిహద్దు అటవీ ప్రాంతాలకు వచ్చిందని అధికారులు చెప్పారు. ప్రస్తుతం అది తిరిగి అదే మార్గంలో వెళ్తుండొచ్చని అంచనా వేస్తున్నారు.

అటవీ సమీప గ్రామాల ప్రజలు ఒంటరిగా అటవీ ప్రాంతాలకు వెళ్లవద్దని, రాత్రి వేళల్లో జాగ్రత్తగా ఉండాలని, పశువులను సురక్షితంగా ఉంచాలని అధికారులు సూచించారు.