తిమోర్‌లెస్టే కాథలిక్ యూనివర్సిటీలో భారతీయ సిలబస్‌తో MBBS: తెలుగు విద్యార్థులకు 200 సీట్లు

తిమోర్‌లెస్టే రాయబారి కార్లిటో నూన్స్, తమ దేశంలోని కాథలిక్ యూనివర్సిటీ ఆఫ్ తిమోర్‌లెస్టే (UCT) లో భారతీయ మెడికల్ సిలబస్‌తో MBBS చేసే అవకాశాన్ని ప్రకటించారు. ఆంధ్రప్రదేశ్, తెలంగాణల నుంచి 200 మంది విద్యార్థులకు ప్రవేశం కల్పిస్తామని తెలిపారు.

ఈ యూనివర్సిటీ AIIMS పాఠ్య ప్రణాళికను అనుసరిస్తుందని, ప్రపంచంలోనే ఇదొక్కటే భారతీయ వైద్య సిలబస్‌తో MBBS బోధించే ఏకైక విదేశీ సంస్థ అని రాయబారి చెప్పారు. కోర్సు వ్యవధి 54 నెలలు, ఆ తర్వాత ఏడాది ఇంటర్న్‌షిప్ చేయాల్సి ఉంటుంది. భారత్‌లో ఉన్నట్లే ఇక్కడా 4.5 ఏళ్ల MBBS తర్వాత ఒక సంవత్సరం ఇంటర్న్‌షిప్ పూర్తి చేస్తే డాక్టర్‌గా నమోదు అవుతారు.

ఏపీ, తెలంగాణల్లోని అన్ని ప్రధాన జిల్లాల్లో UCT కార్యాలయాలు ఉన్నాయి. ఆసక్తి ఉన్న విద్యార్థులు, తల్లిదండ్రులు 9059054638 లేదా 9059052658 నంబర్లకు కాల్ చేసి అపాయింట్‌మెంట్ తీసుకోవచ్చు. అడ్మిషన్ ప్రక్రియ, ఫీజు, విద్యా రుణ అవకాశాలు, తిమోర్‌లెస్టేలో జీవన పరిస్థితులు, FMGE (ఫారిన్ మెడికల్ గ్రాడ్యుయేట్ ఎగ్జామినేషన్) తదితర విషయాలపై పూర్తి సమాచారం ఇస్తామని రాయబారి కార్యాలయం తెలిపింది.

సంవత్సరానికి ఒకసారి మాత్రమే అడ్మిషన్లు జరుగుతాయి. తదుపరి బ్యాచ్ డిసెంబరులో ప్రారంభం కానుంది. ఇప్పుడు ప్రవేశం పొందే విద్యార్థులను నవంబర్ చివరి వారంలో తిమోర్‌లెస్టేకు తీసుకెళ్తామని, పది రోజుల అడ్జస్ట్‌మెంట్ తర్వాత డిసెంబర్ మొదటి వారంలో తరగతులు మొదలవుతాయని వివరించారు.