తిరుమల శ్రీవారి బ్రహ్మోత్సవాలు సెప్టెంబర్ 15 నుంచి; ఏర్పాట్లపై అధికారుల సమీక్ష

తిరుమల శ్రీ వేంకటేశ్వరుని సాలకట్ల బ్రహ్మోత్సవాలు సెప్టెంబర్ 15 నుంచి 23 వరకు జరుగనున్నాయి. ఈ నేపథ్యంలో గురువారం TTD అదనపు ఈవో సిహెచ్ వెంకయ్య చౌదరి ఏర్పాట్లపై సమీక్ష చేశారు.

తిరుమల పద్మావతి అతిథి గృహంలోని సుధర్మ సమావేశ మందిరంలో జరిగిన సమావేశంలో TTD జెఈఓ డాక్టర్ ఏ శరత్, CVSO ర్ మురళీకృష్ణ, తిరుపతి జిల్లా ఎస్పి సుబ్బారాయుడు పాల్గొన్నారు. వివిధ శాఖల ఏర్పాట్లను సమగ్రంగా సమీక్షించారు.

భక్తుల రద్దీని దృష్టిలో ఉంచుకొని RTC బస్సుల సంఖ్యను అవసరాన్ని బట్టి పెంచాలని వెంకయ్య చౌదరి సూచించారు. వాహనాల పార్కింగ్‌లో ఎలాంటి ఇబ్బందులు రాకుండా ముందుగానే పార్కింగ్ స్థలాలను కేటాయించాలని ఆదేశించారు.

అన్ని విభాగాలు సమన్వయంతో పనిచేసి ఉత్సవాలను విజయవంతం చేయాలని అధికారులు నిర్ణయించారు. భారీ సంఖ్యలో భక్తులు హాజరయ్యే ఈ బ్రహ్మోత్సవాలకు గతంలో మాదిరిగానే ప్రత్యేక ఏర్పాట్లు చేస్తున్నారు.