తిరుమలలో భారీగా పెరిగిన భక్తుల రద్దీ.. సర్వదర్శనానికి 15 గంటల సమయం

సోమవారం తిరుమల శ్రీవారి ఆలయంలో భక్తుల రద్దీ భారీగా పెరిగింది. దాదాపు 79,000 మంది భక్తులు శ్రీవారిని దర్శించుకున్నట్లు టీటీడీ అధికారులు తెలిపారు. హుండీ కానుకల ద్వారా రూ. 4.31 కోట్ల ఆదాయం సమకూరింది.

వైకుంఠం క్యూ కాంప్లెక్స్‌లోని 30 కంపార్ట్‌మెంట్లు భక్తులతో నిండిపోయాయి. టోకెన్లు లేని భక్తులకు సర్వదర్శనానికి 15 గంటల సమయం పడుతుంది. రూ. 300 టికెట్ ఉన్న ప్రత్యేక దర్శనానికి 3 గంటలు, సర్వదర్శనం టోకెన్లు ఉన్న వారికి 5 గంటల సమయం పడుతుందని టీటీడీ ప్రకటించింది.

పలు రాష్ట్రాలు, విదేశాల నుంచి విచ్చేసిన భక్తులు క్యూలో నిలిచారు.