తిరుమలలో కారీరిష్టి యాగం.. సెప్టెంబర్ 3 వరకు కొనసాగింపు

తిరుమలలో కారీరిష్టి యాగం నిర్వహిస్తున్నారు. వరుణ జపం, పర్జన్య శాంతి హోమాలు కూడా శాస్త్రోక్తంగా జరుగుతున్నాయి.

ఈ యాగం ద్వారా ప్రజలు సుఖసంతోషాలతో ఉండాలని నిర్వాహకులు సంకల్పించారు. రాష్ట్రం, దేశం సుభిక్షంగా వర్ధిల్లాలని, వర్షాలు సకాలంలో కురవాలని కోరుతున్నారు.

యాగం సెప్టెంబర్ 3 వరకు జరుగుతుంది. ప్రతిరోజూ ఉదయం 9 గంటల నుంచి మధ్యాహ్నం 12 గంటల వరకు హోమాలు నిర్వహిస్తారు. చివరి రోజు మహా పూర్ణాహుతి నిర్వహిస్తారు.

ధర్మగిరి వేద విజ్ఞాన పీఠం ప్రిన్సిపల్ కుప్ప శివసుబ్రహ్మణ్య అవధాని ఆధ్వర్యంలో యాగం జరుగుతోంది.