చంద్రబాబు నరసాపురం పర్యటన: పెన్షన్ల పంపిణీ, పుష్కర ఏర్పాట్ల సమీక్ష

ఏపీ సీఎం చంద్రబాబు నాయుడు నరసాపురం నియోజకవర్గంలో పర్యటిస్తున్నారు. ఈ పర్యటనలో ఆయన ఎన్టీఆర్ భరోసా పెన్షన్లను లబ్ధిదారులకు నేరుగా పంపిణీ చేయనున్నారు. గోదావరి నదిలో బోటు ప్రయాణం చేసి పుష్కర ఏర్పాట్లను సమీక్షించనున్నారు.

సీఎం ముందుగా మొగల్తూరుకు హెలికాప్టర్లో చేరుకున్నారు. అక్కడి నుంచి రోడ్డు మార్గంలో నరసాపురంలోని పొన్నపల్లి ప్రాంతానికి వెళ్లనున్నారు. అక్కడ రెండు మూడు వార్డుల్లో పెన్షన్లు పంపిణీ చేస్తారు. అనంతరం మత్స్యకారులతో కలిసి గోదావరి తీరంలో పర్యటించనున్నారు.

వచ్చే ఏడాది గోదావరి పుష్కరాలు రానున్న నేపథ్యంలో పుష్కర ఘాట్ల వద్ద చేపట్టాల్సిన పనులపై అధికారులకు దిశానిర్దేశం చేయనున్నారు. నరసాపురం-కోటిపల్లి రైల్వే లైన్, వశిష్ట గోదావరి వారధి, బియ్యపు దిప్ప ఫిషింగ్ హార్బర్, ఆక్వా యూనివర్సిటీ ప్రాజెక్టులు చాలా కాలంగా పెండింగ్లో ఉన్నాయి. వీటిపై ప్రకటనలు వెలువడవచ్చని స్థానికులు ఎదురుచూస్తున్నారు.

అనంతరం మొగల్తూరులోని ప్రజావేదిక బహిరంగ సభలో సీఎం పాల్గొని ప్రసంగించనున్నారు. సాయంత్రం 5 గంటల వరకు పార్టీ క్యాడర్తో సమావేశం ఉంటుంది. ఆ తర్వాత ఆయన హెలికాప్టర్లో ఉండవల్లి నివాసానికి తిరిగి వెళ్లనున్నారు.