తిరుమలలో భక్తుల రద్దీ; సోమవారం 79 వేల మంది దర్శనం, హుండీ ఆదాయం 4.31 కోట్లు

తిరుమల క్షేత్రం సోమవారం భక్తులతో కిటకిటలాడింది. 79 వేల మంది భక్తులు శ్రీవారి దర్శనం చేసుకున్నారు. హుండీ ఆదాయం 4.31 కోట్లు వచ్చింది.

వైకుంఠం క్యూ కాంప్లెక్స్‌లోని 30 కంపార్ట్‌మెంట్లు భక్తులతో నిండిపోయాయి. టోకెన్లు లేని వారికి సర్వదర్శనం కోసం 15 గంటలు, 300 రూపాయల ప్రత్యేక దర్శనం టికెట్ ఉన్నవారికి 3 గంటలు, సర్వదర్శనం టోకెన్లు ఉన్నవారికి 5 గంటలు సమయం పడుతోంది.

తిరుమల క్షేత్రం ఏడాది పొడవునా భక్తులతో కొనసాగుతుంది. కేవలం ఒకటి రెండు రోజులు తప్ప రోజూ భక్తులు పెద్ద సంఖ్యలో హాజరవుతారు. రెండు తెలుగు రాష్ట్రాలతో పాటు వివిధ రాష్ట్రాలు, విదేశాల నుంచి కూడా భక్తులు తరలివస్తుంటారు.