తొలి ఏకాదశి విశిష్టత: షయన ఏకాదశిగా పిలువబడే ఈ పర్వదినం ఆచరించే విధానం

తొలి ఏకాదశి ఆషాడ మాసంలో అమావాస్య తర్వాత వచ్చే మొదటి ఏకాదశి. దీన్ని షయన ఏకాదశి అని కూడా అంటారు. ఈ రోజు మహావిష్ణువు యోగ నిద్రలోకి వెళ్లి ధ్యానం చేస్తాడని నమ్మకం. అమ్మవారి శక్తి ఈ సమయంలో రక్షణగా ఉంటుంది. ఈ ఏకాదశి నుంచి అమ్మవారి ఆరాధన ప్రారంభమవుతుంది. ఆషాడ మాసంలో వారాహి నవరాత్రులు, శ్రావణంలో మహాలక్ష్మీ పూజలు, ఆశ్వేజ మాసంలో దేవీ నవరాత్రులు వంటి ఉత్సవాలు జరుగుతాయి.

తొలి ఏకాదశి రోజున బ్రహ్మ ముహూర్తంలో నిద్ర లేవాలి. స్నానం చేసి, పూజ గదిని శుభ్రం చేసుకోవాలి. స్వామి పటానికి గంధం, కుంకుమ బొట్లు పెట్టాలి. పూలు, తులసి మాల అందుబాటులో ఉంటే వాడాలి. సమయం ఉంటే షోడస ఉపచారాలు చేయవచ్చు. లేకుంటే ఓం నమో నారాయణాయ అని ఐదుసార్లు జపించి, ఒక పువ్వు సమర్పించవచ్చు. ఆఫీసుకు వెళ్లేవారు కూడా ఇలా చేయవచ్చు.

ఈ రోజు ఉపవాసం ఉండటం మంచిది. కానీ కటిక ఉపవాసం ఉండకూడదు. పాలు, పండ్లు, జ్యూసు తీసుకోవచ్చు. అన్నం మాత్రం తినకూడదు. ఆరోగ్యం సహకరించని వారు ఉపవాసం పాటించాల్సిన అవసరం లేదు. రాక్షసుడు కలి ప్రభావం వల్ల ఈ రోజు అన్నం తినడం వల్ల నష్టం అని పెద్ద చరిత్ర ఉంది. శక్తి లేని వారు ఇతర ఆహారం తీసుకోవచ్చు.