బాహుబలి నుంచి కల్కి వరకు: టాలీవుడ్‌లో దీర్ఘకాల సీక్వెల్స్ ట్రెండ్

టాలీవుడ్‌లో సీక్వెల్స్ విషయంలో రెండు రకాల ట్రెండ్‌లు కనిపిస్తున్నాయి. కొన్ని సినిమాలకు తక్కువ వ్యవధిలోనే రెండో భాగం రాగా, మరికొన్ని ఏళ్ల తరబడి గ్యాప్‌తో విడుదలవుతున్నాయి.

దీర్ఘకాల గ్యాప్ ట్రెండ్‌కు బాహుబలి బీజం వేసింది. రాజమౌళి 2015లో బాహుబలి పార్ట్ 1 విడుదల చేసి, రెండేళ్ల తర్వాత 2017లో పార్ట్ 2 తీసుకొచ్చారు. ప్రశాంత్ నీల్ కేజీఎఫ్ పార్ట్ 1 2018లో రిలీజ్ చేసి, 2022లో పార్ట్ 2 ఇచ్చారు. ఈ రెండు సినిమాలు ఇండస్ట్రీ రికార్డులను తిరగరాశాయి.

సుకుమార్ దర్శకత్వంలో పుష్ప 2021 డిసెంబర్‌లో రాగా, మూడేళ్ల గ్యాప్‌తో 2024 డిసెంబర్‌లో పుష్ప 2 విడుదలై రికార్డులు బద్దలు చేసింది. నటుడు బాలకృష్ణ నటించిన అఖండ 2021 డిసెంబర్‌లో రిలీజ్ కాగా, దాని సీక్వెల్ కోసం బోయపాటి నాలుగేళ్లు తీసుకుంటున్నారు.

రాబోయే సినిమాల్లోనూ ఇదే ఫార్ములా కనిపిస్తోంది. సలార్, దేవర, ఓజీ వంటి చిత్రాలకు దర్శకులు పార్ట్ 1 నుంచి కనీసం రెండు, మూడేళ్లు వెయిట్ చేస్తున్నారు. ఫస్ట్ పార్ట్ క్రియేట్ చేసిన ఇంపాక్ట్ కంటే సెకండ్ పార్ట్ బెటర్ గా ఉండాలనే ఆలోచనతో స్క్రిప్ట్ పై ఫోకస్ పెడుతున్నారు. కల్కి 2 విషయంలో నాగ్ అశ్విన్ మూడేళ్లు గ్యాప్ తీసుకుంటున్నారు. సెట్స్ మీద ఉన్నప్పటికీ విజువల్ ఎఫెక్ట్స్ కోసం పోస్ట్ ప్రొడక్షన్‌కు సమయం పడుతోంది.