బియ్యప్పిండి, సున్నంతో ముగ్గు: సంప్రదాయంలో దాగిన పర్యావరణ, సామాజిక ప్రయోజనాలు

పూర్వం ఇంటి ముందు ముగ్గు వేయడానికి బియ్యప్పిండి, గుల్ల ముగ్గు (సున్నం) వంటి సహజ పదార్థాలను ఉపయోగించేవారు. ఈ మిశ్రమం చీమలు, చిన్న చిన్న జీవులకు ఆహారంగా ఉపయోగపడేది. ఇది భూతదయకు ప్రతీకగా భావించేవారు.

ముగ్గులు 365 రోజులూ వేసేవారు. పర్వదినాల్లో పోటీపడి పెద్ద పెద్ద మెలికల ముగ్గులు, చుక్కల ముగ్గులు వేసేవారు. ఈ సంప్రదాయం వారి మేధాశక్తిని, టాలెంట్‌ను ప్రదర్శించడానికి అవకాశం కల్పించేది.

ముగ్గు వేసే సమయంలో ఇరుగుపొరుగు మహిళలు ఒకచోట చేరి కబుర్లు చెప్పుకునేవారు. ఎవరి ఇంటి విశేషాలు, కుటుంబ ముచ్చట్లు పంచుకోవడం వల్ల సామూహిక సాన్నిహిత్యం పెరిగేది. ఆవుపేడ కలిపిన నీరు చల్లడం కూడా ఆరోగ్యానికి మంచిదని నమ్మేవారు.

ప్రస్తుతం అపార్ట్‌మెంట్ సంస్కృతిలో ఈ సంప్రదాయం క్షీణిస్తోంది. అయితే ఈ ఆచారం ద్వారా పర్యావరణ సమతుల్యత, సామాజిక సంబంధాలు మెరుగయ్యేవి.