నటి త్రిషా కోసం అభిమానుల చారిటీ ఫౌండేషన్, రాజకీయ ప్రవేశానికి పోస్టర్లు

నటి త్రిషా కృష్ణన్ అభిమానులు మధురైలో ‘త్రిషా చారిటీ ఫౌండేషన్’ను ప్రారంభించారు. సోమవారం ఈ ఫౌండేషన్ ఆవిర్భావం సందర్భంగా నగరంలో భారీ పోస్టర్లు వెలిశాయి. ఆమె రాజకీయాల్లోకి రావాలని ఈ పోస్టర్ల ద్వారా అభిమానులు పిలుపునిచ్చారు.

పోస్టర్లలో త్రిషాను ‘తమిళనాడు వీరమంగై వేలు నాచియార్’ అని సంబోధించారు. స్వాతంత్య్ర సమర యోధురాలు వేలు నాచియార్ ఫోటోతో పాటు త్రిషా ఫోటోను ముద్రించారు. తమిళ సంఘాల చరిత్రలో తొలిసారి త్రిషా పేరుతో ఒక గుర్తింపు పొందిన సంఘం ఏర్పడిందని పోస్టర్లలో పేర్కొన్నారు. ఏ రాజకీయ పార్టీ అయినా మధురై నుంచే ప్రారంభం అవుతుందని, మీనాక్షి అమ్మవారి ఆశీస్సులతో ఇది సాధ్యమైందని నినాదాలు రాశారు.

ప్రస్తుతం త్రిషా చేతిలో ‘విశ్వంబర రామ్’ అనే మలయాళ చిత్రం ఉంది. ఇటీవల ‘కరుపు’ సినిమాతో ప్రేక్షకుల ముందుకు వచ్చారు. అయితే, త్రిషా రాజకీయ ప్రవేశంపై ఆమె నుంచి ఎలాంటి అధికారిక ప్రకటన రాలేదు. ఈ వార్త తమిళ సినీ, రాజకీయ వర్గాల్లో చర్చనీయాంశమైంది.