ఇరాన్ సైన్యం సమూలంగా నాశనమైంది; నియంత్రణలో ఉంచగలిగే స్థానంలో అమెరికా: ట్రంప్

ఇరాన్ తన సైనిక బలాన్నిపూర్తిగా కోల్పోయిందని, ఆ దేశాన్ని తాము చరిత్రలో ఎప్పుడూ లేని విధంగా నియంత్రిస్తున్నామని అమెరికా అధ్యక్షుడు డొనాల్డ్ ట్రంప్ పేర్కొన్నారు. ఇరాన్-అమెరికా చర్చలు జరుగుతున్న తరుణంలో ఆయన ఈ వ్యాఖ్యలు చేశారు.

ట్రంప్ మాట్లాడుతూ, "మేం ఇరాన్‍ను ఇంతకంటే బలహీనమైన స్థితిలో ఉంచలేదు. గత 47 ఏళ్లలో ఏ అధ్యక్షుడు చేయని విధంగా ఇరాన్ సైన్యం, నాయకత్వం, రాడార్ వ్యవస్థ – అన్నీ నాశనమయ్యాయి. సంధి చేసుకోవడానికి వారి వద్ద ఎలాంటి బలం లేదు," అని అన్నారు.

అయితే, అంత బలహీన స్థితిని ఉన్నా, ఇరాన్ ప్రజలు ఆహార, ఔషధ కొరతతో ఇబ్బందులు ఎదుర్కొంటున్నందున, స్తంభించిన ఇరాన్ నిధులతో అమెరికా రైతుల వద్ద నుంచి మొక్కజొన్న, సోయాబీన్, గోధుమ వంటి ధాన్యాలు కొనుగోలు చేసి ఇరాన్‍కు సహాయంగా పంపనున్నట్లు ట్రంప్ ప్రకటించారు. "ఇరాన్ దగ్గరున్న డబ్బు మన రైతులకు రానుంది. ఎందుకంటే అక్కడ ఆకలి సమస్య, ఆహార సంక్షోభం, ఔషధాల కొరత ఉంది. ద్రవ్యోల్బణం 300 శాతానికి చేరుకుంది," అని ఆయన వివరించారు.

ఈ ప్రకటన US-ఇరాన్ అణు ఒప్పందంపై కొనసాగుతున్న సంధి ప్రయత్నాల నేపథ్యంలో వచ్చింది. US ఆంక్షల కారణంగా ఇరాన్ ఆర్థిక వ్యవస్థ తీవ్ర ఒత్తిడికి గురైంది. అయితే, ట్రంప్ చేసిన వ్యాఖ్యలను ఇరాన్ ఇంకా అధికారికంగా స్పందించలేదు. ఇటీవలే కొనసాగిన చర్చల్లో పురోగతి లేనట్లు నివేదికలు వచ్చాయి.

ఈ సంక్షోభంలో ఇరాన్ ప్రజలకు ఆహారం అందించే నిర్ణయం అమెరికా విధానంలో కొత్త మలుపుగా కనిపిస్తోంది. ఇప్పటి వరకు ఆంక్షలతో ఆర్థిక ఒత్తిడి తీసుకొచ్చి, ఇప్పుడు ఆకలితో అల్లాడుతున్న ప్రజలకే ఆహారం పంపిస్తామని చెప్పడం రాజకీయ సందేశంగా భావిస్తున్నారు. ట్రంప్ ప్రకటన తర్వాత బుధవారం మధ్యవర్తిత్వంలో సాగుతున్న సంప్రదింపులు ఎటువైపు మళ్లుతాయో వేచి చూడాలి.