గుడివాడలో మహిళ నుంచి బంగారు గొలుసు దొంగిలించిన కేసులో నిందితుడి అరెస్ట్

గుడివాడలో మహిళ నుంచి బంగారు గొలుసు దొంగిలించిన ఘటనలో పోలీసులు నిందితుడిని అరెస్ట్ చేశారు.

మందపాడు గేటు సమీపంలో డొక్కు నాగేంద్రమ్మ అనే మహిళ నడుచుకుంటూ వెళుతుండగా, గుర్తు తెలియని వ్యక్తి ఆమె మెడలోని 39 గ్రాముల బంగారు గొలుసును లాక్కెళ్లాడు. బాధితురాలు ఇచ్చిన ఫిర్యాదుతో గుడివాడ టూ టౌన్ పోలీసులు కేసు నమోదు చేసి దర్యాప్తు చేపట్టారు.

సిఐ హనీష్ నేతృత్వంలో పోలీసులు రామాపురం గ్రామానికి చెందిన దమ్ము చిన్నబాబును అరెస్ట్ చేసి, అతని వద్ద నుంచి దొంగిలించిన బంగారు నగను స్వాధీనం చేసుకున్నారు. టెక్నికల్ ఎవిడెన్స్, హ్యూమన్ ఇంటెలిజెన్స్ సహాయంతో నిందితుడిని గుర్తించినట్లు పోలీసులు తెలిపారు.