హార్ముజ్ జలసంధిలో అమెరికా దిగ్బంధనం 100% విజయవంతం: ట్రంప్

హార్ముజ్ జలసంధిలో అమెరికా నౌకా దిగ్బంధనం 100 శాతం విజయవంతమైందని అమెరికా అధ్యక్షుడు డొనాల్డ్ ట్రంప్ ప్రకటించారు. ప్రపంచ చమురు రవాణాలో కీలకమైన ఈ జలసంధిలో ప్రస్తుతం నౌకలు వెళ్తున్నాయని, అయితే ఇరాన్‌లోకి నౌకలు ప్రవేశించలేదని ఆయన తెలిపారు. ఇరాన్‌పై ఈ వారం అత్యంత కఠిన ఆంక్షలు రావచ్చని అమెరికా ట్రెజరీ కార్యదర్శి చేసిన వ్యాఖ్యలపై స్పందిస్తూ ట్రంప్ మాట్లాడారు. కఠినమైన ఆంక్షలు విధించే అవకాశం ఉందని, పరిస్థితులను బట్టి నిర్ణయం తీసుకుంటామని ఆయన అన్నారు. దిగ్బంధనం మధ్యలో ఒప్పందం కోసం కొన్ని విరామాలు ఇచ్చినా, ఆ ఒప్పందం అనుకున్న విధంగా ముందుకు సాగలేదని ఆయన పేర్కొన్నారు. చమురు ధరలపై మాట్లాడుతూ, గతంలో బ్యారెల్ ధర $350 వరకు ఉంటుందని చర్చించారని, ప్రస్తుతం అది $84–$85 వద్ద ఉందని ట్రంప్ తెలిపారు. అమెరికా చమురు ఉత్పత్తి బాగా పెరుగుతోందని, టెక్సాస్, అలాస్కా, లూసియానా ప్రాంతాల్లో ప్రత్యామ్నాయ వనరులు లభించాయని ఆయన చెప్పారు. రికార్డు సంఖ్యలో పైప్‌లైన్ల నిర్మాణాలు జరుగుతున్నాయని కూడా పేర్కొన్నారు. హార్ముజ్ జలసంధి ప్రాధాన్యం మునుపటిలా ఉండకపోవచ్చని ట్రంప్ అభిప్రాయపడ్డారు. చమురు ధరలు గణనీయంగా తగ్గుతాయా లేదా ప్రస్తుత విధానం కొనసాగుతుందా అనేది వేచి చూడాలని ఆయన అన్నారు.