ఇరాన్‌తో అణ్వాయుధ ఒప్పందం కుదిరింది; చమురు ధరలు భారీగా పడిపోయాయి: ట్రంప్

ఇరాన్‌తో అణ్వాయుధాల ఒప్పందంపై సంతకం పూర్తయినట్టు అమెరికా అధ్యక్షుడు డొనాల్డ్ ట్రంప్ వెల్లడించారు. ఈ ఒప్పందం ప్రకారం ఇరాన్ ఇకపై ఎట్టి పరిస్థితుల్లోనూ అణ్వాయుధాన్ని కలిగి ఉండబోదని, కఠిన నిఘా అధికారాలు కూడా ఇచ్చామని ఆయన తెలిపారు. ఇరాన్ అణ్వాయుధం సంపాదించడమే ప్రధాన సమస్యగా ఉండేదని, దాన్ని ఉపయోగించే ప్రమాదం ఉందని ట్రంప్ అన్నారు. ఈ ప్రకటన వెంటనే అంతర్జాతీయ చమురు ధరలు భారీగా పడిపోయాయి. స్టాక్ మార్కెట్లు రికార్డు స్థాయిలకు ఎగబాకాయి. మధ్యప్రాచ్యంలో పరిస్థితి మెరుగవుతుందని, ఇది అనేక మంచి పరిణామాలకు దారితీస్తుందని ట్రంప్ ఆశాభావం వ్యక్తం చేశారు. ఇరాన్‌తో సంతకాలు జరిగాయి గనుక సముద్ర మార్గాలు కూడా పాక్షికంగా తెరుచుకున్నాయని, శుక్రవారం నాటికి పూర్తిగా సాధారణం అవుతుందన్నారు. అమెరికా-ఇరాన్ మధ్య దౌత్య సంబంధాల్లో ఇదో పెద్ద మలుపుగా విశ్లేషకులు భావిస్తున్నారు. గత కొన్నేళ్లుగా అణ్వాయుధ కార్యక్రమంపై ఆంక్షలు, చర్చల నేపథ్యంలో చివరకు ఇరు దేశాల మధ్య ఒప్పందం కుదిరింది. ఈ నిర్ణయం ప్రపంచ ఆర్థిక వ్యవస్థపై తక్షణమే ప్రభావం చూపుతోంది. చమురు ధరలు తగ్గడం వల్ల భారత్‌తో పాటు అనేక దేశాలకు ఉపకారం కలుగుతుంది. ఇరాన్‌లో అణ్వాయుధాలు సృష్టించకుండా ఉండేలా కఠిన నిఘా పర్యవేక్షణ కొనసాగుతుందని, త్వరలోనే అధికారిక లిఖిత పూర్వక ప్రతిని విడుదల చేయనున్నట్టు ట్రంప్ తెలిపారు. మరిన్ని వివరాలు రాబోయే రోజుల్లో వెలువడతాయి.