జన్మ హక్కు పౌరసత్వాన్ని పరిమితం చేసే ఎగ్జిక్యూటివ్ ఉత్తర్వులపై ట్రంప్ సంతకం

అమెరికా అధ్యక్షుడు డొనాల్డ్ ట్రంప్ బర్త్ టూరిజంను నియంత్రించేందుకు రెండు కొత్త ఎగ్జిక్యూటివ్ ఉత్తర్వులపై సంతకం చేశారు.

ఈ ఉత్తర్వుల ప్రకారం, కేవలం పిల్లలకు పౌరసత్వం కోసం టూరిస్ట్ వీసాపై అమెరికాకు వచ్చే విదేశీ తల్లిదండ్రులకు జన్మించిన పిల్లలకు అమెరికా పౌరసత్వం లభించదు. అమెరికాలో పనిచేసే విదేశీ ప్రభుత్వ ఉద్యోగుల పిల్లలకు కూడా ఈ నిబంధనలు వర్తిస్తాయి.

ఈ చర్య రాజ్యాంగ విరుద్ధం కాదని వైట్ హౌస్ పేర్కొంది. అయితే, అమెరికా సుప్రీం కోర్టు ఇంతకుముందు 14వ రాజ్యాంగ సవరణ ప్రకారం అమెరికాలో జన్మించిన ప్రతి వ్యక్తికి పౌరసత్వ హక్కు ఉంటుందని స్పష్టం చేసింది. గతంలో ట్రంప్ తీసుకువచ్చిన ఇలాంటి నిర్ణయాలను సుప్రీం కోర్టు తిరస్కరించింది. దీంతో ఈ నూతన ఉత్తర్వులు న్యాయపరమైన సవాళ్లను ఎదుర్కొనే అవకాశం ఉందని న్యాయ నిపుణులు అంచనా వేస్తున్నారు.

సెంటర్ ఫర్ ఇమిగ్రేషన్ స్టడీస్ 2020 అధ్యయనం ప్రకారం, 2016-2026 కాలంలో ఒక్క సంవత్సరంలోనే 20,000 నుండి 25,000 మంది మహిళలు బర్త్ సర్టిఫికేట్ కోసం అమెరికాకు వచ్చారు. 2025 నాటికి 36 లక్షల మంది పౌరసత్వం పొందినట్లు నమోదయ్యారు. కొంతమంది ఈ విధానాన్ని తమ ప్రయోజనాల కోసం వాడుకుంటున్నారని ట్రంప్ ఆరోపించారు.

ప్రస్తుతం ఈ ఉత్తర్వులు ఎప్పటి నుంచి అమల్లోకి వస్తాయనేది స్పష్టం కాలేదు. కోర్టు జోక్యం వల్ల ఆలస్యం అయ్యే అవకాశం ఉంది.