టీటీడీ చరిత్రలో రికార్డ్: జూలైలో శ్రీవారి హుండీ ఆదాయం ₹140.29 కోట్లు

జూలై నెలలో శ్రీ వెంకటేశ్వర స్వామి హుండీ ఆదాయం ₹140.29 కోట్లుగా నమోదైందని టీటీడీ అధికారులు తెలిపారు. గత నెలలో 24.52 లక్షల మంది భక్తులు తిరుమల శ్రీవారిని దర్శించుకున్నారు.

ఈ జూలై నెలలో ఐదు రోజుల పాటు హుండీ ఆదాయం ₹5 కోట్లు దాటింది. జూలై 16న అత్యధికంగా ₹5.31 కోట్ల ఆదాయం వచ్చింది. 10.58 లక్షల మంది భక్తులు తలనీలాలు సమర్పించారు.

సెలవులు, శుభ ముహూర్తాలు, వారాంతాలు కలిసి రావడంతో భక్తుల రద్దీ ఎక్కువగా ఉన్నట్లు అధికారులు వివరించారు. దర్శనం, వసతి, అన్నప్రసాదం, లడ్డు పంపిణీ వంటి సేవలను సమర్థవంతంగా నిర్వహించినట్లు వారు తెలిపారు.