తిరుమల శ్రీవారి లడ్డుకు 310 ఏళ్ల చరిత్ర, ప్రత్యేక కాయిన్ విడుదల చేయాలని TTD నిర్ణయం

తిరుమల శ్రీవారి లడ్డు ప్రసాదం 310 ఏళ్ల పూర్తి చేసుకున్న సందర్భంగా TTD ఒక ప్రత్యేక కాయిన్ విడుదల చేయాలని నిర్ణయించింది.

ప్రస్తుతం రోజుకు 3 లక్షల నుంచి 4 లక్షల లడ్డులు తయారవుతున్నాయి. బ్రహ్మోత్సవాలు, వైకుంఠ ఏకాదశి వంటి పర్వదినాల్లో ఈ సంఖ్య 6 లక్షల వరకు చేరుతుంది. లడ్డు తయారీకి ఆవు నెయ్యి, శనగపిండి, చక్కెర, జీడిపప్పు, ఎండు ద్రాక్ష, యాలకులు వంటి పదార్థాలు ఉపయోగిస్తారు. 2009 సెప్టెంబరు 4న శ్రీవారి లడ్డుకు జియోగ్రాఫికల్ ఇండికేషన్ (GI) గుర్తింపు లభించింది.

తిరుమలలో తొలుత బూందిని మాత్రమే తీపి ప్రసాదంగా భక్తులకు అందించేవారు. కాలక్రమంలో మార్పులు చోటు చేసుకుంటూ 1940 నాటికి ప్రస్తుత లడ్డు రూపం ఏర్పడింది. 1950లో TTD పాలక మండలి మొదటి అధికారిక పదార్థాల దిట్టం రూపొందించింది. భక్తుల సంఖ్య పెరుగుతుండటంతో 2001లో ఈ దిట్టంను సవరించారు.

TTD ఇప్పుడు లడ్డు ప్రసాద చరిత్ర, ప్రాముఖ్యతను సూచించే కాయిన్ రూపకల్పనకు సన్నాహాలు చేస్తోంది.