టికెట్ ధరల పెంపు, ప్రీమియర్ షోలపై నిర్మాత తుమ్మలపల్లి రామ సత్యనారాయణ విమర్శ

సినీ నిర్మాత తుమ్మలపల్లి రామ సత్యనారాయణ టికెట్ ధరల పెంపు, ప్రీమియర్ షోలపై తీవ్ర అసంతృప్తి వ్యక్తం చేశారు. పెద్ద సినిమాలు బడ్జెట్ పెరగడంతో ప్రభుత్వ అనుమతి లేకుండా టికెట్ రేట్లు పెంచుతున్నారని, ఇది అభిమానులపై భారం మోపడమేనని ఆయన అన్నారు.

పూర్వం అభిమానులు టికెట్లు అధిక ధరలకు కొని, అదనంగా వచ్చిన డబ్బును సినిమా వేడుకలకు ఖర్చు చేసేవారని గుర్తుచేశారు. కానీ ఇప్పుడు ఆ అదనపు మొత్తం నిర్మాతలకు చేరడం, అభిమానుల నుండి డబ్బు లాగడమే లక్ష్యంగా ఉందని విమర్శించారు.

ప్రీమియర్ షోలు నిర్వహించడం, జర్నలిస్టులకు ఉచితంగా టికెట్లు ఇవ్వడం సరికాదని ఆయన అభిప్రాయపడ్డారు. తాను ఎప్పుడూ అలాంటి షోలు నిర్వహించనని, బదులుగా జర్నలిస్టులకు సాధారణ థియేటర్లలో కుటుంబంతో చూసేలా టికెట్లు ఇస్తానని తెలిపారు. ఇలా చేయడం వల్ల తనకు కొంత ఆదాయం వస్తుందని, ప్రేక్షకులు ఇంటి వాతావరణంలో చూస్తే సినిమాపై మెరుగైన సానుకూల స్పందన వస్తుందని వివరించారు.