ఉత్తరాది వర్షాలతో తుంగభద్ర డ్యామ్‌కు భారీ ఇన్ఫ్లో

ఉత్తరాది రాష్ట్రాల్లో కురిసిన భారీ వర్షాల కారణంగా కర్ణాటకలోని తుంగభద్ర జలాశయానికి వరద ప్రవాహం గణనీయంగా పెరిగింది. రెండు రోజుల్లో 40,000 క్యూసెక్కుల నీరు డ్యామ్‌లోకి చేరింది. ప్రస్తుతం ఇన్‌ఫ్లో 44,315 క్యూసెక్కులుగా నమోదవుతోంది. అవుట్‌ఫ్లో 289 క్యూసెక్కులు మాత్రమే ఉంది.

డ్యామ్ పూర్తి నీటి మట్టం 1633 అడుగులు కాగా, ప్రస్తుతం నీటి మట్టం 1596 అడుగుల వద్ద కొనసాగుతోంది. రిజర్వాయర్ పూర్తి నిల్వ సామర్థ్యం 105.78 టీఎంసీలు అయితే, ప్రస్తుత నిల్వ 17.155 టీఎంసీలుగా ఉంది.