జంతర్ మంతర్ విద్యార్థుల నిరసనలో ఉగ్రవాద కుట్ర: ఇద్దరు అరెస్ట్

పశ్చిమ బెంగాల్ స్పెషల్ టాస్క్ ఫోర్స్ (STF) ఢిల్లీలోని జంతర్ మంతర్ వద్ద జరుగుతున్న విద్యార్థుల నిరసనలో అల్లర్లు సృష్టించేందుకు ఉగ్రవాద కుట్ర పన్నిన ఇద్దరు నిందితులను అరెస్టు చేసింది.

జైషే మహమ్మద్ ఉగ్రవాద సంస్థతో సంబంధాలు ఉన్న హమీం మండల్, జార్ఖండ్ యువతి అర్పిత సర్కార్ లను విచారిస్తున్నామని STF అధికారులు తెలిపారు. పోలీసు యూనిఫామ్ లో నిరసనలోకి ప్రవేశించి అల్లర్లు సృష్టించాలని పాకిస్థాన్ ఆపరేటర్ల నుంచి నిందితులకు ఆదేశాలు అందినట్లు విచారణలో వెల్లడైంది.

పశ్చిమ బెంగాల్ బీజేపీ నేత సువేందు అధికారిని లక్ష్యంగా చేసుకోవాలని కూడా ప్రణాళిక ఉన్నట్లు అధికారులు గుర్తించారు. మరో కుట్రలో భాగంగా, బెంగాల్ మంత్రి ఉమేష్ రే కుమారుడిని హనీ ట్రాప్ ద్వారా కిడ్నాప్ చేయాలని నిందితులు ప్రయత్నించినట్లు దర్యాప్తులో తేలింది.

నిందితులు ఎన్క్రిప్టెడ్ యాప్స్ ద్వారా పాక్ హ్యాండ్లర్లతో టచ్ లో ఉన్నారని, వారి వద్ద యూకే, మెక్సికో దేశాల సిమ్ కార్డులు లభ్యమయ్యాయని అధికారులు చెప్పారు. నిందితులు జంతర్ మంతర్ వద్దకు వెళ్లారా లేదా అనే దానిపై చాట్ వివరాలు పరిశీలిస్తున్నారు. విచారణ పూర్తయ్యే వరకు మరిన్ని వివరాలు వెల్లడించలేదు.