ఉజ్జయిని మహంకాళి బోనాల రంగంలో మాతంగి స్వర్ణలత విగ్రహ ప్రతిష్ట ఆగ్రహం

సికింద్రాబాద్‌లోని ఉజ్జయిని మహంకాళి ఆలయంలో లష్కర్ బోనాల పండుగ సందర్భంగా రంగం కార్యక్రమం జరిగింది. మాతంగి స్వర్ణలత భవిష్యవాణి వినిపించారు.

విగ్రహ ప్రతిష్ట చేస్తామని రెండున్నరేళ్ల క్రితం ఇచ్చిన మాట నెరవేరలేదని ఆమె తీవ్ర ఆగ్రహం వ్యక్తం చేశారు. ఆరు నెలల్లోపు ప్రతిష్ట జరిపించాలని డిమాండ్ చేశారు. లేకపోతే ప్రాణనష్టం జరుగుతుందని హెచ్చరించారు.

ఈ ఏడాది భారీ వర్షాలు, వరదలు, అగ్ని ప్రమాదాలు జరిగే అవకాశం ఉందని ఆమె సూచించారు. ప్రజలు జాగ్రత్తగా ఉండాలని పిలుపునిచ్చారు. 'అడ్డు వచ్చిన వారిని పాదాల కింద నలిపేస్తా' అని హెచ్చరించారు.