ఉజ్జయిని మహాకాళి ఆలయ పూజారి బోనాల చరిత్ర, సంప్రదాయాల వివరణ

సికింద్రాబాద్‌లోని ఉజ్జయిని మహాకాళి ఆలయం బోనాల సీజన్‌కు సిద్ధమవుతోంది. ఆలయ ప్రధాన పూజారి వేణుమాధవ శర్మ ఆలయ చరిత్ర, బోనాల సంప్రదాయాల గురించి మాట్లాడారు.

19వ శతాబ్దంలో అంటు వ్యాధులు ప్రబలిన సమయంలో స్థానికులు ఉజ్జయిని నుంచి అమ్మవారిని తీసుకువచ్చి ఇక్కడ ప్రతిష్టించారు. 1813లో ఆలయ ప్రతిష్ఠ జరిగిందని ఆయన తెలిపారు. ఆషాడ మాసంలో వానలు మొదలైనప్పుడు ఈ వ్యాధులు ఎక్కువయ్యేవి. అప్పుడు ప్రజలు అమ్మవారిని శరణు కోరారు.

బోనాల జాతర 15 రోజులు జరుగుతుంది. మహాకాళి అమ్మవారు ఘటాకారంలో ఇంటింటికి తిరిగి భక్తులను ఆశీర్వదిస్తారని పూజారి వివరించారు. 15వ రోజున మహాజాతర, 16వ రోజున రంగం కార్యక్రమం ఉంటుంది. రంగం సందర్భంగా ఒక మహిళ (జోగిని) అమ్మవారి రూపంలో మాట్లాడుతుంది.

ఆ రోజు కుండ మీద నిలబడిన ఆమెను అమ్మవారిగా భావించి ప్రశ్నలు అడుగుతారు. 30 ఏళ్లుగా ఆలయ పూజారి వేణుమాధవ శర్మ ఆమెను ప్రశ్నించే బాధ్యత నిర్వర్తిస్తున్నారు.

ఈ ఆషాడ మాసంలో గుప్త నవరాత్రులు (వారాహి నవరాత్రులు) కూడా జరుగుతాయని ఆయన తెలిపారు.