అన్యాయంగా సంపాదించిన ధనంతో దానధర్మాలు చేస్తే పుణ్యం వస్తుందా? ధర్మశాస్త్రం చెప్పిన నిజం

అన్యాయంగా సంపాదించిన ధనంతో దానధర్మాలు చేస్తే పుణ్యం వస్తుందా? అన్న ప్రశ్నకు ధర్మశాస్త్రం స్పష్టమైన సమాధానం ఇచ్చింది.

ధనం సంపాదించడం అవసరమే. సంపాదన లేకపోతే తల్లి నిందిస్తుంది, తండ్రి సంతోషించడు, సోదరులు మాట్లాడరు, భార్య ప్రేమగా ఉండదు, మిత్రులు కూడా దూరంగా ఉంటారని శాస్త్రం చెబుతోంది. కాబట్టి ధనం సంపాదించాలి.

కానీ ఆ సంపాదన నైతికంగా ఉండాలి. అన్యాయంగా, లంచాలు తీసుకొని, మోసాలు చేసి సంపాదించిన ధనం ఎక్కువ కాలం నిలవదు. అలాంటి ధనంతో ఎన్ని దానధర్మాలు చేసినా, భగవంతునికి కైంకర్యాలు చేసినా, ఆయన స్వీకరించడు. పాప ఫలితం నుంచి విముక్తి లభించదు.

కాబట్టి ఎవరైనా పాపం చేసి సంపాదించిన సొమ్ములో కొంత భాగం దానం చేస్తే పాపం పోతుందనుకోవడం అజ్ఞానమే. ధర్మశాస్త్రం ప్రకారం నైతికంగా సంపాదించిన ధనంతో మాత్రమే దానధర్మాలు చేయాలి.