UPI చెల్లింపులపై కొత్త నిబంధనలు... వాలెట్ లోడింగ్‌, రూపే క్రెడిట్ కార్డుపై అదనపు ఛార్జీలు

UPI చెల్లింపులపై కొత్త ఛార్జీలు త్వరలో అమల్లోకి రానున్నాయి. RBI గవర్నర్ సంజయ్ మల్హోత్ర ఈ విషయంపై సూచనలు ఇచ్చారు. పార్లమెంట్లో పేమెంట్స్ అండ్ సెటిల్మెంట్స్ యాక్ట్ 2006 సవరణ బిల్లు ఆమోదం పొందింది. కేంద్ర ఆర్థిక మంత్రి నిర్మల సీతారామన్ ఈ బిల్లును ప్రవేశపెట్టారు.

ఈ కొత్త నిబంధనల ప్రకారం, UPI వాలెట్లలో ₹2,000 పైబడి లోడ్ చేసుకుంటే 1% ఛార్జ్ విధించే అవకాశం బ్యాంకులు, పేమెంట్ గేట్వేలకు లభించింది. రూపే క్రెడిట్ కార్డును UPI ద్వారా వినియోగిస్తే కూడా 1% సర్చార్జ్ చెల్లించాల్సి ఉంటుంది. ఈ క్రెడిట్ కార్డు లావాదేవీల్లో రియల్ టైం సెటిల్మెంట్ జరగదు. బ్యాంకులకు 30-40 రోజుల వరకు డబ్బు అందదు. ఈ కారణంగా బ్యాంకులు, ఫైనాన్షియల్ సంస్థలు సర్చార్జ్ విధించేలా వెసులుబాటు కోరాయి. ఈ మేరకు చట్టంలో మార్పు చేశారు.

అయితే, సాధారణ UPI లావాదేవీలపై ఎలాంటి ఛార్జీలు లేవు. వ్యక్తిగతంగా ఒకరి నుంచి మరొకరికి (P2P) లేదా చిన్న వ్యాపారుల నుంచి కొనుగోళ్లు (P2M) చేసే చెల్లింపులపై ఛార్జ్ ఉండదు. ₹2,000 లోపు వాలెట్ లోడింగ్‌పై కూడా ఛార్జ్ ఉండదు. ఇప్పుడు PhonePe, Google Pay, Paytm లాంటి యాప్‌లను ఉపయోగించే చాలా మందికి ఈ మార్పు ప్రభావం ఉండదు.

చట్ట సవరణ ఎప్పటి నుంచి అమల్లోకి వస్తుందనేది ఇంకా ప్రకటించలేదు. పేమెంట్ సంస్థలు తమ విధానాల్లో మార్పు చేసుకునే అవకాశం ఉంది. ప్రస్తుతానికి రూపే క్రెడిట్ కార్డు లేదా పెద్ద మొత్తంలో వాలెట్ లోడింగ్ చేసేవారు మాత్రమే ఈ ఛార్జీలకు లోనవుతారు.