హెచ్‌వన్ బి వీసా ఫీజు పెంపును అమెరికా కోర్టు నిలిపివేసింది

హెచ్‌వన్ బి వీసాలపై $1,00,000 (సుమారు రూ.84 లక్షలు) ఫీజు విధించాలన్న ట్రంప్ ప్రభుత్వ నిర్ణయాన్ని అమెరికా ఫెడరల్ కోర్టు నిలిపివేసింది. డిస్ట్రిక్ట్ కోర్టు తీర్పును అపీల్స్ కోర్టు సమర్ధించింది.

డెమోక్రటిక్ పాలిత 20 రాష్ట్రాల అటార్నీ జనరల్స్, పలు ఐటీ సంస్థలు ఈ విధానాన్ని సవాల్ చేశాయి. బోస్టన్‌లోని ఫెడరల్ డిస్ట్రిక్ట్ కోర్టు న్యాయమూర్తి లియో సోరోకిన్ ఈ ఫీజు రాజ్యాంగ విరుద్ధమని తీర్పు చెప్పారు.

ట్రంప్ ప్రభుత్వం ఫస్ట్ సర్క్యూట్ అపీల్స్ కోర్టును ఆశ్రయించి స్టే కోరింది. కానీ పన్నులు విధించే అధికారం కాంగ్రెస్‌కే ఉంటుందని, ఎగ్జిక్యూటివ్ ఆర్డర్ ద్వారా ఇంత భారీ ఫీజు విధించడం అధ్యక్షుడి పరిధి కాదని కోర్టు స్పష్టం చేస్తూ స్టే నిరాకరించింది.

సాధారణంగా ఒక హెచ్‌వన్ బి పిటిషన్‌కు $2,000 – $5,000 మాత్రమే ప్రాసెసింగ్ ఫీజు చెల్లిస్తారు. ట్రంప్ ప్రభుత్వం దాన్ని ఒకేసారి లక్ష డాలర్లకు పెంచింది.

అమెరికా ఏటా జారీ చేసే 85,000 హెచ్‌వన్ బి వీసాల్లో దాదాపు 70% భారతీయ టెక్ నిపుణులు పొందుతారు. లక్ష డాలర్లు చెల్లించాల్సి వస్తే అమెరికన్ కంపెనీలు భారతీయ ఇంజనీర్లను నియమించుకోవడం కష్టంగా మారేది. తీర్పుతో ఆ ఆర్థిక భారం తొలగిపోయి మళ్లీ భారతీయ ఉద్యోగులకు అవకాశాలు పెరుగుతాయి.