ఇరాన్ ఆంక్షలు ఉల్లంఘించినందుకు భారతీయ దంపతులపై అమెరికా ఆంక్షలు

ఇరాన్ చమురు రవాణాపై విధించిన ఆంక్షలను ఉల్లంఘించి ఆ దేశానికి అక్రమంగా సహాయం చేసినందుకు భారతీయ దంపతులతోపాటు పలు సంస్థలపై అమెరికా ఆంక్షలు విధించింది.

చండీగఢ్‌కు చెందిన సునీల్ కుమార్ శర్మ, ఆయన భార్య ప్రీతి నకిలీ పత్రాలు, వెబ్‌సైట్లు సృష్టించి ఇరాన్ చమురు నౌకలు సముద్రాల్లో ఎలాంటి ఆటంకం లేకుండా తిరిగేలా చేశారని అమెరికా ఆర్థిక శాఖ ఆరోపించింది. వీరి వ్యాపార సంస్థలపై కూడా చర్యలు తీసుకుంది.

ఇరాన్ విమానాలకు సేవలు అందిస్తున్న టర్కీకి చెందిన ఫ్యూగో గ్రౌండ్ సర్వీసెస్ సంస్థపైనా ఆంక్షలు విధించింది. ట్రంప్ ప్రభుత్వం ఈ నిర్ణయాలను Operation Economic Outcast పేరుతో తీసుకుంది.

ఇరాన్‌కు మద్దతు ఇచ్చే వారు ఎక్కడ ఉన్నా వదిలిపెట్టబోమని అమెరికా ఆర్థిక మంత్రి స్కాట్ బెసెంట్ హెచ్చరించారు. ఇటీవలి ఎన్నికల్లో ఇంధన ధరల పెరుగుదల అధికార పార్టీకి నష్టం కలిగించినప్పటికీ, ఇరాన్‌ను ఆర్థికంగా దెబ్బతీసే విషయంలో అమెరికా వెనక్కి తగ్గడం లేదు.