వనజీవి రామయ్య 90వ జయంతి: ‘వనజీవి రామయ్య’ బయోపిక్ నిర్మాతలు పాన్‌-ఇండియా చిత్రం ప్రకటించారు

పద్మశ్రీ వనజీవి రామయ్య 90వ జన్మదినం సందర్భంగా ‘వనజీవి రామయ్య’ చిత్ర యూనిట్ విలేకరుల సమావేశం నిర్వహించారు. ఈ సందర్భంగా పద్మశ్రీ వనజీవి రామయ్య జీవిత కథ ఆధారంగా పూర్తి నిడివి పాన్‌-ఇండియా చలన చిత్రం నిర్మించనున్నట్లు దర్శకుడు వేముగంటి, నిర్మాత నిడిగొండ నరేష్ కుమార్ (నరేష్ ప్రజాపతి) ప్రకటించారు.

ఇప్పటికే ఈ బృందం 40 నిమిషాల నిడివి గల ‘వనజీవి రామయ్య’ షార్ట్ ఫిలిం రూపొందించింది. ఈ చిత్రం తెలంగాణ ప్రభుత్వ గద్దర్ అవార్డును సాధించింది. నిర్మాత నిడిగొండ నరేష్ కుమార్ నేతృత్వంలోని వాసవిక్ ఫౌండేషన్ ‘వనయాత్ర’ పేరుతో మొక్కలు నాటే కార్యక్రమాన్ని ప్రారంభించింది.

చిత్రానికి బల్లెపల్లి మోహన్ సంగీతం అందించారు. సమావేశంలో దర్శకుడు వేముగంటి మాట్లాడుతూ, సింగరేణి ఉద్యోగి రాజశేఖర్ అనే వ్యక్తి వనజీవి రామయ్య స్ఫూర్తితో రోజుకు ఒక మొక్క నాటుతూ ఆరేళ్ళు పూర్తి చేశారని తెలిపారు. వర్షాకాలం వచ్చిన తర్వాత పాన్‌-ఇండియా చిత్రం షూటింగ్ మొదలు పెడతామని నిర్మాత తెలిపారు.