AI కాదు, తల్లిదండ్రులు, గురువులే నిజమైన గురువులు: వెంకయ్య నాయుడు

గురుపౌర్ణమి సందర్భంగా విజయవాడలో జరిగిన అన్నమాచార్య సంకీర్తనల శిక్షణా శిబిరం ముగింపు కార్యక్రమంలో మాజీ ఉపరాష్ట్రపతి వెంకయ్య నాయుడు మాట్లాడుతూ, తల్లిదండ్రులు, గురువులే నిజమైన గురువులని, AI సాంకేతికత పెరిగినా వారి నుండే లోకజ్ఞానం, సంస్కారం పొందాలని అన్నారు.

భాషా సాంస్కృతిక శాఖ, కేబీఎన్ కళాశాల అన్నమాచార్య భావనా వాహిని సంయుక్తంగా నిర్వహించిన ఈ శిక్షణా శిబిరం ఏప్రిల్ 16 నుంచి 28 వరకు జరిగింది. పద్మశ్రీ డాక్టర్ శోభారాజు పర్యవేక్షణలో సాగిన ఈ శిబిరం ముగింపు వేడుకకు వెంకయ్య నాయుడు ముఖ్య అతిథిగా హాజరయ్యారు.

ఈ సందర్భంగా అన్నమయ్య కీర్తనల్లోని ‘వాడివాడుచున్న ఎండ గాని నీడ గాని... కొండల రాయుడే మా కుల దైవం’ అనే పంక్తిని ఉటంకిస్తూ, కులం అంటే మనం వాడే సామాజిక కులం కాదని, అందరికీ ఒకే దైవం అనే అర్థంలో చెప్పారు. కులాన్ని రాజకీయ నాయకులు అవకాశంగా ఉపయోగించుకుంటున్నారని, కుల పిచ్చి, ఇతర కులాల ద్వేషం, కులం పేరుతో జనాన్ని సమీకరించడం తప్పని ఆయన అన్నారు.

యువత అన్నమయ్య కీర్తనలను విని, వాటి అంతరార్థాన్ని గ్రహించాలని తాను ఆశిస్తున్నట్టు వెంకయ్య నాయుడు చెప్పారు. పుట్టిన పిల్లలు బేబీ కేర్ సెంటర్లో, తల్లిదండ్రులు వృద్ధాశ్రమంలో ఉంటున్న దుస్థితికి, ప్రస్తుత విద్యా విధానం, సంస్కారం లేకపోవడమే కారణమని ఆయన అభిప్రాయపడ్డారు.

ఈ కార్యక్రమంలో భాషా సాంస్కృతిక శాఖ సంచాలకులు మల్లికార్జునరావు రచించిన ‘పదకవిత వసంతం తాళపాక అన్నమయ్య’ గ్రంథాన్ని వెంకయ్య నాయుడు ఆవిష్కరించారు.