శుక్రుడి కన్యారాశి ప్రవేశం: మిధున రాశి వారికి కలిగే మార్పులు

2026 ఆగస్టు 1న శుక్రుడు సింహరాశి నుంచి కన్యారాశిలోకి ప్రవేశిస్తాడు. సెప్టెంబర్ 5 వరకు అక్కడే ఉండి, తర్వాత తులారాశికి మారుతాడు. ఈ కాలంలో మిధున రాశి వారికి శుక్రుడు నాలుగో స్థానంలో సంచరిస్తాడు. దీని వల్ల కలిగే ఫలితాలను మాచిరాజ భక్తి వివరించారు.

జ్యోతిష్యం ప్రకారం, శుక్రుడి నాలుగో స్థానంలో సంచారం వల్ల మిధున రాశి వారికి బుద్ధి బలం పెరుగుతుంది. బంధువులు, మిత్రులు వారిని సన్మానిస్తారు. స్త్రీలతో సంభాషణలు ఆనందాన్ని ఇస్తాయి. సంతానం, జీవిత భాగస్వామి నుంచి సుఖం లభిస్తుంది. అలాగే విద్యా సంబంధిత చర్చల్లో పాల్గొనడం వల్ల జ్ఞానం పెరుగుతుంది.

ఈ శుక్రుడి ప్రభావం అనుకూలంగా ఉండాలంటే కొన్ని పరిహారాలు సూచించారు. శుక్రవారం అలసందలు (బొబ్బర్లు) నానబెట్టి గోవుకు తినిపించడం లేదా బ్రాహ్మణులకు దానం చేయడం మంచిది. స్నానంలో పన్నీరు, కుంకుమపువ్వు కలుపుకోవాలి. శుక్రవారం ఉపవాసం ఉండి రాత్రి పాలతో చేసిన పాయసం తీసుకోవాలి. లలితా సహస్రనామం చదవడం లేదా శ్రీమాత్రే నమః, ఓం శ్రీ రాజమాతంగ్యయై నమః అనే మంత్రాలు పఠించడం వల్ల శుక్రుడి అనుగ్రహం లభిస్తుందని మాచిరాజ భక్తి తెలిపారు.